Un grupo de alumnos e alumnas de 2º da ESO do IES Armando Cotarelo Valledor participou nunha xornada de limpeza ambiental nas praias de O Castelete e Canelas, na parroquia de Sobradelo. Esta actividade, promovida polo centro educativo en colaboración coa Asociación Chelonia e co apoio do Concello de Vilagarcía, permitiu recoller máis de 200 kg de residuos.
Antes do traballo nos areais, o alumnado asistiu no instituto a unha charla sobre a problemática do lixo mariño e o seu impacto nos ecosistemas. Xa nas praias, recolléronse principalmente restos de redes e utensilios procedentes da actividade pesqueira, así como escombros, plásticos, roupa e ata un pneumático. A empresa Urbaser reforzou os medios habituais coa instalación de contedores, sacos e unha carpa para facilitar a clasificación e xestión dos residuos.
Durante a xornada, os estudantes asumiron un papel activo tanto na limpeza como na organización dos grupos e na xestión dos descansos, amosando unha actitude comprometida e exemplar. A actividade contou tamén coa presenza da concelleira de Medio Ambiente, Tania García, que destacou o valor educativo da iniciativa como ferramenta para fomentar o reciclaxe e a conciencia ecolóxica entre a mocidade. Tamén participaron representantes do sector marisqueiro, como o patrón maior de Vilaxoán, Joaquín Santos, e o presidente da agrupación de mariscadoras a pé, José Gómez.
Repercusión na prensa:
- Diario de Arousa: Ropa, redes y plásticos: Lo que aparece en una mañana en las playas de Castelete y Canelas
- La Voz de Galicia: Estudiantes del IES Cotarelo Valledor retiran más de doscientos kilogramos de basura de las playas
- Faro de Vigo: Alumnos del Cotarelo retiran 215 kilos de residuos de las playas de Sobradelo
