O IES Armando Cotarelo Valledor conta hoxe en día cunha completa e orixinal oferta educativa, xa que neste instituto o estudantado pode aproveitar tanto o Ensino Secundario Obrigatorio, bacharelato en dúas modalidades, Ciclos Formativos de tres familias profesionais diferentes ESA, Bacharelato de adultos e aula MENTOR.
Tamén conta cunhas excepcionais instalacións, tanto deportivas como no edificio: 12 aulas de informática, laboratorios… todas elas moi novas debido a relativa “mocidade” do centro.
Hai que resaltar as inversións realizadas para mante-las citadas instalacións en bo estado, así como actualizadas e plenamente operativas: por exemplo a rede que une tódalas aulas de informática utilizadas polos ciclos.
Por outra banda, este instituto colabora con outros centros da xeografía local, e incluso a nivel nacional e internacional, a través de diversos proxectos, intercambios, competicións deportivas… que tratan de potenciar a relación dos alumnos e a internacionalización do centro así como da ensinanza.
Todas estas características permítenlle situarse como un dos centros máis modernos e importantes de Galicia.