O vindeiro xoves, 2 de novembro, o IES Armando Cotarelo Valledor de Vilagarcía organiza a xornada de emprendemento Tips para emprender e sobrevivir no intento, deseñada para formar ao estudantado de Formación Profesional en economía social e preparalo no deseño de proxectos de autoemprego colaborativo que poidan poñen en marcha no futuro.
A actividade aposta por procedementos pedagóxicos innovadores como son os xogos de scape room ou a aplicación do proceso de Design Thinking na resolución de desafíos.
O horario da xornada será o seguinte:
- 8:45. Benvida
- 9:00 – 10:30. SCAPE ROOM – Cal é o camiño para emprender?
- 10:30 – 11:00. Pausa
- 11:00 – 12:00. Emprender na economía social
- 12:00 – 12:15. Pausa
- 12:15 – 14:15. Pensamos fóra da caixa! Buscando modelos de negocio innovadores
O evento conta coa colaboración da Rede Eusumo e é financiado a través dos fondos do Plan de Cooperación Territorial: Plan de Formación Profesional para o Crecemento
Económico e Social e a Empregabilidade e pola Unión Europea- NextGenerationEU.
